جتني تثير المسأله

11-08-2007, 09:34 PM

اسعد الله اوقاتكم بالخير

متواضعه أرجوا أن تنال اعجابكم ،،

واتمنى ان تستقبل بصدر ٍ رحـــب

جتني تثير المسأله تسأل تبـي منـي الصـواب=قلت التفاهـم يـا أمـل يمكـن يحـل المسألـه
قالت عجب من علمـك الريـح قافـي لحسـاب=قلت البحر يا سأله ما كـل شخـص(ن) يدهلـه
قالت بعد عندي سؤال ارجوك وضح لي الجواب=ابي اسألك يا صاحبي عن شي عقلـي يجهلـه .
ابي اسألك عن واقعك وش فيك عايش في أكتئاب=قلت الحزن خيم علي فـي خافقـي لـه منزلـه
يا سأله لااا تسأليـن الشمـس هددهـا الغيـاب=خٌـذي كتابـي والقلـم ثـم حـددي بالمنقـلـه
مساحتي حزن الزمن مضمي واخايـل لسـراب=لين احترقت من العطش والدرب صعب(ن) اكمله
قالت بهالسرعه تعبت وانته بعـد تـوك شبـاب=يا صاحبي دربك طويل خلـك وفـي واستحملـه
قلت الوفا يا سألـه فينـي طغـى ايـام العـذاب=كانك تـودي راحتـي خلينـا ننهـي المسألـه

.
.
.
.

وسلاااااامت قلوبكم

11-08-2007, 09:51 PM

يسلم ربي قلبك وبوحك وصح السانك وسلم فكرك

وسلامتك من الحزن يا سعود

رائعة تثير الإعجاب في النفس والمتابعة لشاعرها

ناطرين جديدك دوم يالعطاوي

12-08-2007, 01:52 AM

يا سأله لااا تسأليـن الشمـس هددهـا الغيـاب
خٌـذي كتابـي والقلـم ثـم حـددي بالمنقـلـه

مساحتي حزن الزمن مضمي واخايـل لسـراب
لين احترقت من العطش والدرب صعب(ن) اكمله

أبدعت لنا هنا أخوي سعود

تصوير جميل وكلمات سلسه تنساب الى الجوف بكل بساطه

تعبير يصور قلوب ملئها الجرح

ولكن الحياة مستمره

قصيده جميله

تقبل مروري

أختك

تعابير الفرح

12-08-2007, 03:53 AM

صباح الورد ياسعود

صح لسانك قصيدة جزلة أبدعت فيها

اخترت في الاختيار

قالت بهالسرعه تعبت وانته بعـد تـوك شبـاب
يا صاحبي دربك طويل خلك وفـي واستحملـه

هذا البيت ياسعود بالذات حسيته مؤثر جدا لان ربطت بين الدرب

الطويل والاحتمال وفيه اوقات يعجز الانسان عن الاحتمال

صح لسانك ياشاعرنا

بانتظار تواصلك الرائع هنا

دمت بخير.

13-08-2007, 02:14 AM

اخوي سعود كان بودي اقرا قصيدتك وكنت متشوقه لها

بس مادري ليه ماتطلع عندي من جد أنقهرت

يمكن من المتصفح اللي عندي الله وأعلم

ع العموم يعطيك ربي الف عافيه